Feijóo reaccionou deste xeito ao anuncio feito por Sánchez no Comité Federal do PSOE, no que defendeu “a amnistía en Cataluña” polo “interese de España” e como condición necesaria para alcanzar a investidura entre aplausos dos dirixentes do seu partido. Nunha mensaxe na súa conta de X (antes Twitter) -acompañado dun vídeo no que aparece Sánchez rexeitando a amnistía e o referendo de autodeterminación, seguido da súa intervención deste sábado ante o Comité Federal do PSOE-, Núñez Feijóo asegura que “o único que cambiou é que Pedro Sánchez perdeu as eleccións”. “Se pretende levar a amnistía adiante, deberían sometelo á decisión de todos os españois e non só ao aplauso dos cargos que el mesmo nomeou”, engade o líder do PP na súa mensaxe, que conclúe coa frase: “Non é convivencia, é conveniencia”.
0