Feijóo reunirase este venres por separado cos líderes da oposición

As reunións demandadas pola oposición serán este venres 26 de marzo de forma bilateral en San Caetano e, en primeiro lugar, Núñez Feijóo recibirá á portavoz nacional do BNG, Ana Pontón, nun encontro previsto para as 10:00 horas e, ao finalizar esta reunión, o mandatario autonómico recibirá ás 12:00 horas ao líder dos socialistas galegos, Gonzalo Caballero. Tanto Pontón como Caballero, presentaranlle a Feijóo as súas respectivas propostas para encarar a saída da crise sanitaria e socioeconómica derivada da pandemia da covid-19.