O titular do Goberno galego, Alberto Núñez Feijóo, acompañado da conselleira do Mar, Rosa Quintana, visita este luns o peirao de Laxe para comprobar a fase final das obras da dragaxe do porto.
Esta actuación completa as obras de dragaxe do porto de Laxe dando resposta a unha demanda histórica da confraría de pescadores da localidade e o sector da zona. Os traballos realizados consistiron na extracción de áridos e rocha do fondo mariño para a recuperación de calado no porto. A dragaxe realizouse principalmente a cota -5, excepto nunha franxa próxima ao peirao da lonxa que se realizou á cota -3.