Nun comunicado, a Casa do Rey acordou que Villarino, actual director do gabinete do alto representante da UE para Asuntos Exteriores, Josep Borrell, pase a ser o novo responsable da institución a partir do próximo mes de febreiro, en lugar de Jaime Alfonsín, quen foi man dereita de Felipe VI durante case trinta anos. Nado en Zaragoza en 1964, Villarino ingresou na carreira diplomática en 1989 e ocupou postos en Croacia, Bruxelas, Washington e Rabat, entre outros. Licenciado en Dereito, é tamén oficial na Reserva Voluntaria do Exército de Terra co rango de capitán, actualmente asignado ao Cuartel Xeral da Unidade Militar de Emerxencias (UME), segundo a información biográfica facilitada por Zarzuela.