35
O rei Felipe VI instou a todas as institucións a ser «exemplo de integridade pública e moral» e a «respectar e cumprir as leis» tendo sempre como guía «os intereses xerais» dos cidadáns, xunto coas súas «preocupacións, inquietudes e problemas». «Debemos estar no lugar que constitucionalmente nos corresponde e asumir, cada un, as obrigacións que temos encomendadas», afirmou o monarca na tradicional mensaxe de Noiteboa -a oitava no seu reinado- no que a pandemia ocupou de novo un lugar esencial cunha chamada clara á «responsabilidade individual e colectiva» para «non dar pasos atrás» nesta crise sanitaria «que tanto sufrimento causou».