48
O Rei de España Felipe VI renunciou á herdanza que persoalmente lle puidese corresponder do seu pai, Juan Carlos I, así como a calquera activo, investimento ou estrutura financeira cuxo orixe poida non estar en consonancia coa legalidade ou con criterios de rectitude. A Casa Real española publicou este domingo un comunicado no que informa ademais de que Juan Carlos I deixa de percibir a asignación que ten fixada nos orzamentos da Casa da súa Maxestade o Rei. O comunicado difundiuse tras diversas informacións publicadas esta fin de semana nas que se asegura que Felipe VI é beneficiario dunha sociedade «offshore» creada polo Rei Juan Carlos I vinculada a unha doazón de 65 millóns de euros de Arabia Saudita.