47
Unha muller precisou axuda na tarde deste domingo para ser asistida despois de caer nas proximidades da Fervenza de Budián, no concello de Zas. Así o transmitía unha persoa particular que contactou co 112 Galicia para dar conta dos feitos e solicitar axuda.
Decontado, o persoal do CIAE 112 Galicia requiriu a actuación dos profesionais de Urxencias Sanitarias de Galicia-061. Ademais, desde o 112 Galicia pasouse o aviso aos axentes da Garda Civil e aos Bombeiros de Xallas para colaborar no traslado da persoa ata a ambulancia desprazada ás proximidades do lugar.