- Sucedeu pouco despois das 08:00 horas deste mércores, no punto quilométrico 6 da DP-2303
Unha saída de vía na DP-2303 ao seu paso polo lugar de Sorna, en Muxía, deixou unha persoa ferida de carácter leve. O incidente produciuse pouco despois das oito da mañá deste mércores no punto quilométrico 6, dirección Muxía.
A vítima, única ocupante do turismo, foi atendida por efectivos do 061 no lugar dos feitos e despois foi trasladada ao Hospital Virxe da Xunqueira de Cee para a súa avaliación, segundo sinalan desde Protección Civil de Muxía.
Descoñécense as causas que puideron provocar este accidente, ao que tamén acudiron os Bombeiros Costa da Morte, Policía Local e Garda Civil de Tráfico.