Unha señora de mediana idade resultou ferida de consideración nas pernas ao ser atropelada por un vehículo na mañá deste xoves. A baixa visibilidade e a intensa choiva reinante nese momento puideron contribuír ao sinistro producido ás 12:20 horas no aparcamento do Hipermercado Lidl, na avenida de Bértoa en Carballo. O 112 Emerxencias Galicia deu a voz de alarma e ao lugar desprazouse a policía Local e unha ambulancia do 061 que trasladou á ferida ao centro médico da localidade para ser avaliada facultativamente en primeira instancia.