41
Un motorista resultou ferido leve ao chocar lateralmente a motocicleta que manexaba cun turismo, cuxa condutora e os dous menores que viaxaban con ela resultaron ilesos. O suceso produciuse na AC550, en Porto do Son. A motocicleta tras o impacto incendiouse e calcinouse completamente. Bombeiros de Riveira extinguiron o lume sen maiores consecuencias para a zona forestal. A humidade evitou que se propagase o lume. Ao lugar acudiron tamén a Policía Local, a Garda Civil de Tráfico e os profesionais de Urxencias Sanitarias de Galicia-061, que procederon ao traslado do motorista, pois presentaba lesións de diversa consideración. O equipo de atestados do destacamento de tráfico de Santiago investiga as causas do accidente.