33
Un neno de 7 anos resultou ferido de gravidade este venres ao ser arroiado por un tren de Feve en Viveiro. Os servizos de emerxencia trasladárono desde o lugar do suceso ata o helicóptero do 112, que o evacuou. Para facilitar a circulación da ambulancia o tráfico foi cortado na Ponte da Misericordia. Segundo fontes próximas, o maquinista reaccionou ben e tentou deter o tren, pero non se puido evitar a colisión co menor. Ademais dos equipos sanitarios, interviron Bombeiros de Viveiro, Policía Nacional, Policía Local, Protección Civil e persoal de Adif.