Ferido grave un home ao ser atropelado por un camión en Baio


Un home de mediana idade resultou ferido grave na mañá deste sábado tras ser atropelado por un camión na travesía de Baio, no Concello de Zas. Segundo a información pasada pola Garda Civil, o peón non cruzou debidamente, polo que o condutor do camión non o viu. Unha enfermeira que estaba preto do lugar prestoulle os primeiros auxilios ao ferido ata a chegada dunha ambulancia que o trasladou ao hospital Virxe da Xunqueira de Cee.