36
O accidente ocorreu no lugar do Mosteiro. O 112 Galicia recibiu o aviso ao fío das doce horas do mediodía deste sábado, a través do persoal sanitario, que solicitaba axuda para liberar a un varón que quedara atrapado baixo un vehículo agrícola de pequenas dimensións. Así, nada máis recibir o aviso, os xestores de emerxencias deron conta dos feitos aos Bombeiros de Sarria, á Garda Civil de Tráfico e aos efectivos de Protección Civil de Cervantes. De feito, foron estes últimos os que liberaron ao ferido para que puidese recibir, posteriormente, asistencia médica por parte dos profesionais do Servizo de Urxencias Sanitarias de Galicia-061.