- O suceso tivo lugar na AC-432, dirección Vimianzo
Un home resultou ferido na tarde deste venres tras saírse da vía e acabar na cuneta mentres circulaba co seu tractor pola Ponte do Porto, no concello de Camariñas. En concreto o incidente produciuse na AC-432, dirección Vimianzo, sobre as seis da tarde.
Foi un particular quen alertou ao 112 Galicia, asegurando que a vítima non estaba atrapada pero que precisaba asistencia sanitaria. A partir de aí, os xestores de emerxencias puxeron os feitos en coñecemento do persoal do Servizo de Urxencias Sanitarias de Galicia-061, que desprazaron unha ambulancia ata o lugar para trasladar á vítima ata o hospital Virxe da Xunqueira de Cee.
No operativo tamén participaron axentes da Garda Civil de Tráfico, os Bombeiros de Cee, a Policía Local e os efectivos de Protección Civil da localidade.