0
Un operario foi evacuado polo equipo de urxencias sanitarias despois de precipitarse desde unha altura duns sete metros cando traballaba no teito dunha nave da Travesía de Pastoriza, no concello de Arteixo.
Segundo a información facilitada ao 112 Galicia polo alertador, o ferido traballaba na parte superior da edificación cando parte da cuberta de uralita cedeu. Nada máis ter constancia do suceso, ás 13:00 horas deste martes, os xestores do 112 puxeron os feitos en coñecemento dos profesionais de Urxencias Sanitarias de Galicia-061 e tamén dos axentes da Garda Civil e da Policía Local. Ademais, desde o 112 avisouse tamén aos efectivos de Protección Civil da localidade.