26
Un operario resultou ferido en Nigrán mentres realizaba labores de xardinería contra as 14:00 deste luns, tras quedar atrapado baixo un camión envorcado.
Os bombeiros do Val Miñor e O Porriño precisaron de 45 minutos para poder liberar o traballador, que tiña un pé preso. «O terreo é complicado porque ten un lixeiro desnivel», explica Óscar Arévalo, xefe do servizo de Emerxencias do Val Miñor.
Durante todo o proceso o ferido estivo consciente. «Portouse como un campión», comenta con humor Arévalo.
O ferido foi trasladado ao hospital Álvaro Cunqueiro cunha fractura aberta de tibia e peroné.