40
Un matrimonio resultou ferido por queimaduras despois de que prendera lume a prancha portátil que estaban manipulando no interior da súa vivenda na parroquia de Cela. Ao parecer, estaban empregando un líquido acelerador para cociñar e o bote comezou a arder.
As lapas alcanzaron primeiro a muller, de 34 anos, que ten queimaduras na cara e nas mans, e despois o home, de 42, que resultou ferido ao tratar de socorrer a súa parella. Os dous foron trasladados en ambulancia ao hospital Montecelo. Contra as sete da tarde deste sábado fontes hospitalarias informaron a familia de que os levaban ao hospital universitario da Coruña.