Filipe VI presidiu en Marín a entrega dos reais despachos aos novos oficiais da Armada

Foto._ Casa Real.

O rei Filipe VI presidiu este sábado a entrega de Reais Despachos na Escola Naval Militar de Marín, en Pontevedra, coincidindo coa celebración da festividade do Carmen, patroa da Armada española. Miles de persoas acudiron ao recinto castrense, onde Filipe VI foi recibido con salvas de honra e a interpretación do himno, tras o cal pasou revista ao batallón de alumnos e saudou ás autoridades civís e militares. A cerimonia contou coa presenza do almirante xefe de Estado Maior, Antonio Martorell, do presidente da Xunta, Alfonso Rueda, do titular do Parlamento de Galicia, Miguel Santalices, e do delegado do Goberno na Comunidade, José Miñones, entre outras autoridades.