Finalizadas as obras de mellora viaria en Leduzo, Malpica

• Trátase dunha intervención integrada no proxecto de mellora de viais municipais

O Concello de Malpica finalizou as obras de mellora na capa de rodadura dun camiño no lugar de Leduzo, na parroquia de Cerqueda, dentro do proxecto de mellora de viais municipais.

Os traballos consistiron na limpeza de cunetas para a formación de ambas marxes, así como o perfilado de taludes. Tamén se realizou un bacheo do firme e, máis adiante, procederase ao pintado das marcas viais correspondentes.

O alcalde de Malpica, Walter Pardo, subliñou que con estas intervencións «seguimos avanzando na mellora das conexións interparroquiais da localidade, incrementando a seguridade viaria e dotando de mellores infraestruturas á veciñanza”.