30
A garda fronteiriza de Finlandia inaugurou este venres o primeiro tramo dos 200 quilómetros de valo fronteirizo con Rusia que se está construíndo despois de que Moscova invadise Ucraína. A fronteira de Finlandia con Rusia, de 1.340 quilómetros, é a máis longa de todos os membros da UE. Calcúlase que o proxecto custará un total de 380 millóns de euros e que estará listo en 2026. O obxectivo principal deste valo de tres metros de altura é axudar aos gardas fronteirizos a vixiar e previr a posible inmigración ilegal a gran escala, considerada unha especie de ameaza indirecta que chegaría de parte de Moscova.