A maioría dos finlandeses avoga pola enerxía nuclear. A medida que se achega o inverno e aumenta a demanda de enerxía, Finlandia espera reducir a súa dependencia dos combustibles fósiles de Rusia. A enerxía nuclear, outrora fonte de desconfianza pública, converteuse, agora, nunha solución atractiva. Finlandia prepárase para reabrir o maior reactor nuclear de Europa, Olkiluoto 3. Situado nunha illa da costa sudoccidental finlandesa, o proxecto iniciouse en 2005. Varios contratempos aprazaron a inauguración ata setembro deste 2022, pero o reactor volveu pecharse por problemas técnicos. Actualmente, entre o 60 % e o 70 % da poboación finlandesa apoia a enerxía nuclear. Unha porcentaxe moi superior á media da Unión Europea. Isto non sempre foi así, xa que as enquisas dos anos 80 mostraban que soamente o 40 % dos finlandeses estaban a favor desta fonte de enerxía.
0