7
A alerta no 112 saltaba ás 20:04 horas deste sábado. Varios usuarios da vía AC-418 comunicaban a gravidade dun sinistro ocorrido no cruce de acceso a Xoane. Un punto perigoso desta estrada no que xa se produciron varios accidentes graves. Bombeiros, ambulancias e corpos de seguridade tiveron que desprazarse ao lugar, onde lles foi necesario cortar a vía para poder traballar e atender a un total de cinco feridos, momento no que se producían grandes retencións no tráfico rodado. Tres persoas tiveron que ser excarceradas de dous dos turismos implicados, un Seat León vermello e un Volkswagen New Beetle blanco.