No encontro aberto de Galegas 8M Costa da Morte-Bergantiños, no que estiveron presentes representantes do Círculo Feminista de Carballo, Sonlilá de Carnota, Buserana de Cee, Curandeiras de Vimianzo, o sindicato CIG e mulleres da comarca a título persoal, acordaron as seguintes mobilizacións con motivo do 8 de marzo:
7 de marzo:
– Ás 12 do mediodía cadea humana de mulleres que percorrerá a praia de Carnota, un dos lugares máis emblemáticos do territorio. Todas con algo violeta ben visible, collidas da man para xuntar forzas coas nosas veciñas, amigas e aliadas.
– Ás 20:00 h en Vimianzo Concentración Festiva, con toda a forza, alegría e sororidade que leva a batukada das Curandeiras.
8 de marzo:
– Ás 12 do mediodía manifestación unitaria da Costa da Morte-Bergantiños en Cee, onde Galegas 8M levará o lema «Sen coidados non hai vida».
– Ás 19:00 h manifestación en Carballo, que sairá dos xulgados, e coa que se rematarán as xornadas de mobilización.