Formoso continuará como alcalde das Pontes e presidente da Deputación da Coruña

Valentín González Formoso confirmou este domingo que o PSdeG está de volta para servir a Galicia, e que vai compatibilizar a secretaría xeral cos seus cargos institucionais como alcalde das Pontes e presidente da Deputación da Coruña, aínda que de momento non concretou se ademais da secretaría xeral pensa en ser tamén o candidato nas próximas eleccións autonómicas. O novo líder dos socialistas galegos avanzou unha oposición ao Goberno galego «construtiva, esixente e leal», afirmando que asume as rendas do partido coa idea de desenvolver un novo modelo de PSdeG, cunha dirección «integradora».