O secretario xeral do PSdeG-PSOE, Valentín González Formoso, apelou este luns aos representantes galegos nas institucións comunitarias a conformar unha fronte unida para defender os intereses comúns de Galicia diante da UE. González Formoso escolleu para a súa primeira reunión como secretario xeral ao sector pesqueiro polo seu carácter estratéxico para Galicia, na primeira dunha ronda de contactos con representantes do sector. Engadiu que as entidades que obrigan a mudar o modelo enerxético da flota deben de acompañar ao sector con liñas de financiamento que habiliten ese cambio de modelo, así como fixar axudas á renovación das flotas. Salientou a necesidade de actualizar os buques para os requisitos da nova realidade do sector, con tempos de faena máis amplos, ou á necesidade de dispoñer de máis espazo a bordo.
32