O Colectivo Profesional de Fotoxornalistas de Galicia concentrouse diante das instalacións deportivas do Deportivo de A Coruña en Abegondo e do Celta de Vigo na Madroa para reclamar o dereito á información perante a imposibilidade de acceder aos adestramentos dos equipos, así como aos partidos. Critican que a Liga de Fútbol Profesional intenta instaurar un sistema de distribución de fotografías cos seus propios servizos fotográficos «amparándose no artigo 39.6 da orden SNA/399/2020 do 9 de maio publicada no BOE polo Ministerio de Sanidade en contradicción á consideración dos medios de comunicación como actividade esencial ante os cidadáns». Deste xeito, denuncian que esta iniciativa causa «un grave prexuízo tanto laboral como profesional para máis de 4.000 fotoxornalistas» en todo o Estado.
41