A evacuación de civís fracasou por segunda vez en Mariúpol, localidade situada ao sur de Ucraína. As forzas rusas e ucraínas culpáronse mutuamente de violar o cesamento do fogo, como xa ocorreu na véspera. «Os rusos comezaron a reagrupar as súas forzas e bombardear fortemente a cidade. É extremadamente perigoso sacar á xente en tales condicións», sostivo o concello este domingo, mentres a axencia rusa RIA mantén que os ataques das tropas ucraínas obrigaron a volver suspender a operación. Uns centenares de veciños dos 400.000 habitantes conseguiron saír da cidade portuaria. «Os intentos errados subliñan a ausencia dun acordo detallado e funcional entre as partes en conflito», valorou este domingo o Comité Internacional da Cruz Vermella (CICR), que pide «garantías suficientes» para poder levar axuda aos civís.
35