Galicia defende aplicar coeficientes redutores para a xubilación das mulleres do mar

A conselleira do Mar, Rosa Quintana, defendeu a necesidade de aplicar coeficientes redutores para a xubilación das mulleres que traballan no sector marítimo-pesqueiro e equiparalos aos daquelas actividades nas que a presenza masculina é maioritaria. Esta medida serviría para compensar a dureza do labor de profesionais como mariscadoras e redeiras e eliminar as diferenzas que existen na actualidade. A medida suporía un gran paso no recoñecemento na profesionalización da muller, non só por tratarse dun dereito senón porque se aseguraría que as vindeiras xeracións se sintan atraídas por este tipo de actividades, facendo alusión á importancia de asegurar a remuda xeracional neste sector.