Na Coruña e en Santiago xa empezaron os traballos para habilitar dous hospitais de campaña por se fosen necesarios para atender casos de coronavirus. Terán capacidade para unhas 450 camas.
Técnicos do Sergas revisaron este mércores as instalacións de Expocoruña e do Multiusos do Sar, en Santiago, onde se van instalar os dous hospitais de campaña programados polo Sergas. O máis grande será o da Coruña, con 300 camas de hospitalización.
No de Santiago poderase atender a 150 pacientes. O Sergas di que de momento os hospitais galegos non están saturados, pero habilitan estos recintos por se no pico da pandemia fose necesario desconxestionar as plantas dos hospitais. En caso de necesidade, instalariase outro hospital de campaña en Vigo, no IFEVI.