Galicia rexistra 259 casos activos na última xornada

• En Galicia hai un total de 10.898 persoas curadas, rexistrándose 619 falecementos

Este venres a Consellería de Sanidade informou de que, na última actualización, o número de casos activos de coronavirus en Galicia é de 259. Deles 25 son da área da Coruña, 196 da de Lugo, 2 da de Ourense, 4 da de Pontevedra, 16 da área de Vigo, 14 da de Santiago, e 2 da de Ferrol.

Do total de pacientes positivos, 1 permanece na UCI, 7 están en unidades de hospitalización e 251 no domicilio. Polo de agora, en Galicia hai un total de 10.898 persoas curadas, rexistrándose 619 falecementos.

O número de PCR realizadas é de 210.649.