- En Galicia hai un total de 11.476 persoas curadas, rexistrándose 622 falecementos
A Consellería de Sanidade informou este mércores de que o número de casos activos de coronavirus en Galicia é de 827. Do total, 463 son da área da Coruña, 84 da de Lugo, 54 da de Ourense, 45 da de Pontevedra, 116 da área de Vigo, 45 da de Santiago, e 20 da de Ferrol.
Do total de pacientes positivos, 3 están en UCI, 35 en unidades de hospitalización e 789 no domicilio. Polo de agora, en Galicia hai un total de 11.476 persoas curadas, rexistrándose 622 falecementos. A última persoa falecida trátase dunha muller de 89 anos da área sanitaria da Coruña.
O número de PCR realizadas é de 269.448.