O ministro de Consumo e coordinador federal de EU, Alberto Garzón, chamou ás forzas á esquerda do PSOE para reunirse no Movemento Sumar, o proxecto político liderado por Yolanda Díaz, para poder ofrecer unha alternativa «ilusionante» para a cidadanía. «Non hai tempo que perder», urxiu na súa primeira intervención dous días despois de anunciar que non concorrerá como candidato ás eleccións xerais do 23J. O ministro, en calquera caso, seguirá de momento á fronte do partido e insistiu en que participará na campaña electoral do 23J apoiando ao proxecto da vicepresidenta: «Seguirei traballando para facer a Díaz presidenta do país», concluíu.