Os cidadáns levan tres anos dicindo que o radar situado no periférico de Conxo, nunha limitación de velocidade repentina, non está na mellor localización. Dende que foi instalado, en xullo de hai tres anos, provocou moitas protestas porque os veciños viron un afán recadatorio máis que disuasorio por parte do Concello.
É o radar que atrapa máis infractores de todo Santiago, polo que este venres moita xente non se sorprendeu de que aparecera esachado. Todo leva a pensar que os impactos que recibiu o aparello ao redor das dúas da madrugada foron provocados a propósito por algún anoxado. Serviuse dun martelo.
Os danos efectuados no aparello limítanse ao cristal exterior, polo que o radar segue operativo. A Policía Local está investigando o suceso coa axuda das cámaras de Tráfico que hai na zona para tratar de identificar o responsable dos estragos.
Un dos que máis multa na comarca de Santiago
O radar de Conxo achegou, en só dez semanas, o 39 % das multas de tráfico do 2020 en Santiago A pesar das limitacións á mobilidade, o 2020 concluíu con 41.624 sancións.