15
Mantivo un encontro en Santiago con mozos e mozas, a quen chamou a “activarse” de cara ás eleccións autonómicas do 12 de xullo para seren “líderes da Galicia do futuro”. “Desta crise económica e social hai que saír cun compromiso coa mocidade”, recalcou Gonzalo Caballero, quen recordou que antes da chegada da covid, o programa do PSdeG ás eleccións autonómicas xa incluía medidas de apoio ao alugueiro e a emancipación, plans de impulso do emprego xuvenil e programas de retorno dos mozos emigrados. “E ese compromiso é máis necesario que nunca”, engadiu.