- A incidencia afectou a varios servizos do xigante tecnolóxico como Gmail, Google Drive ou Google Cloud, ademais doutras plataformas como Snapchat ou Vimeo
Nhdiario.es viu interrompido o seu servizo desde as dúas da tarde deste domingo tras a caída do seu servidor de datos situado en Francia. Pasadas as 9 da noite os técnicos de mantemento, activos 365/24/7, foron capaces de reactivar progresivamente o sistema e todo volveu a funcionar con normalidade.
O buscador Google e o servizo de vídeos Youtube tamén rexistraron caídas nos seus servizos durante a tarde do domingo, segundo informou a web especializada na detección de fallos en servizos da internet en tempo real Downdetector. com, que se fixo eco das queixas de numerosos usuarios.
Os fallos neste caso comezaron cara ás nove da noite (hora española) e afectaron principalmente ao nordés de Estados Unidos. Os informes de afectación de servizo -durante todo o día en niveis habituais, por baixo dos 10 avisos- disparáronse a partir das 15 horas (hora estadounidense), cando se chegaron a rexistrar máis de 4.000 alertas simultáneas.