Gran acollida na presentación da revista «Abrindo camiño» de Senda Nova

• Este segundo número véndese nos pequenos comercios por tan só dous euros

A asociación ambiental Senda Nova presentou este sábado o segundo número da revista «Abrindo camiño», un proxecto que busca impulsar “iniciativas sostibles e denunciar os danos ao noso patrimonio”, destacan desde a entidade carballesa.

Colaboradores, socios e persoas convidadas achegáronse ao Espazo da Natureza de Oza para ser testigos da nova edición desta revista que, en case 50 páxinas, aborda principalmente o problema dos parques eólicos na zona.

A publicación, na que participa activamente o pequeno comercio da zona de Bergantiños, poderá adquirirse en diversos locais por dous euros.