O ministro do Interior, Fernando Grande-Marlaska, reuniuse en Washington co secretario do Departamento de Seguridade Nacional estadounidense, Alejandro Mayorkas, co fin de impulsar e reforzar as relacións en materia de seguridade con Estados Unidos, unha colaboración, segundo sinalou o ministro, «prioritaria e na que compartimos intereses e obxectivos en diversos ámbitos». A reunión, entre outros aspectos, serviu para reforzar os mecanismos de intercambio de información para a persecución do terrorismo e a delincuencia grave. Esta colaboración fluída e constante, con gran incidencia no plano operativo, tamén se concreta en áreas como a procura de fugitivos, a loita contra o branqueo de capitais, as investigacións sobre delitos contra a propiedade industrial e intelectual ou a persecución da pornografía infantil.