A policía da cidade inglesa de Reading está a tratar o que cualifica dun «incidente grave» tras informacións que apuntan a que varias persoas foron apuñaladas nun parque. Varias persoas sufriron feridas e foron trasladadas ao hospital, segundo confirmou a Policía. Hai un cordón policial en Forbury Gardens mentres continúa a investigación. Testemuñas informaron de que os coches e helicópteros da policía responderon a un incidente en Forbury Gardens, un parque da cidade duns 200.000 residentes ao oeste de Londres. A policía bloqueou varias estradas e nas fotos víanse dúas ambulancias aéreas nas proximidades. Dúas vítimas foron trasladadas ao Royal Berkshire Hospital onde están a ser atendidas. Aínda que The Telegraph asegura ter confirmación de que se produciron tres mortes no incidente ademais dos dous feridos hospitalizados.
47