O secretario xeral da ONU Antonio Guterres ao reunirse co presidente surcoreano, Yoon Suk Yeol, en Seúl, insistiu na desnuclearización total de Corea do Norte. Todo iso cando un Consello de Seguridade dividido deixa máis espazo ao país norcoreano para ampliar os seus programas de armas nucleares e mísiles balísticos. Guterres, chegou a Corea do Sur o xoves e reuniuse tamén co ministro de Asuntos Exteriores surcoreano, Park Jin. Centráronse no nivel de risco e ameaza nuclear norcoreana. Corea do Norte probou máis de 30 mísiles balísticos este ano, incluídos os seus primeiros voos de mísiles balísticos intercontinentais desde 2017. O xefe do estado norcoreano Kim Jong Un continúa aumentando o seu arsenal nuclear para opoñerse ao que define de «presión e sancións gansteriles» que atribúe a Estados Unidos.
41