O voceiro das Brigadas Ao Qasam, brazo armado de Hamás, Abu Obeida, asegurou este xoves a morte duns 50 reféns polos bombardeos de Israel sobre a Franxa de Gaza, controlada polo grupo islamita palestino.
Abu Obeida comunicou a noticia nunha nota na que se limitou a informar da morte de 50 «prisioneiros israelís» polos ataques aéreos sobre a Franxa, sen ofrecer máis detalles.
Anteriormente, a voceira do Exército israelí, Daniel Hagari, elevara este xoves a 224 o número de reféns do seu país capturados por Hamás durante o ataque contra territorio de Israel do pasado 7 de outubro, que deixou 1.400 mortos e uns 5.000 feridos.