Históricos da formación representan a lista do PSOE da Coruña ás autonómicas

2 minutes read

O PSdeG-PSOE Provincial da Coruña presentou oficialmente ante a Xunta Electoral a súa lista para as vindeiras eleccións autonómicas na provincia. Estivo presente o secretario xeral provincial Bernardo Fernández Piñeiro, xunto aos e ás integrantes da candidatura.

Fernández Piñeiro destacou que a lista está composta por “compañeiros e compañeiras históricas desta formación e tamén por novas caras que entenden que o Partido Socialista é a única opción para garantir o futuro das galegas e dos galegos”.

O secretario xeral provincial aposta por “poñer en valor o que está facer Pedro Sánchez por Galicia dende o Goberno de España”.

“Eses intereses deféndense, por exemplo, votando a favor do incremento das pensións, que vai favorecer a máis de 800.000 pensionistas en Galicia, un cuarto da poboación”, reclamou Fernández Piñeiro. “Unha medida que desgraciadamente non contou co apoio do Partido Popular”, lamentou.

“Deféndense tamén”, continua o socialista, “coa aprobación dos descontos e bonificacións da AP-9”. Destacou que “dende o PSdeG xa se está a traballar, con José Ramón Gómez Besteiro, que é presidente da Comisión de Transportes no Congreso, para lograr o obxectivo histórico da gratuidade total e absoluta desta autopista”.

Lista:

1.- Patricia Iglesias

2.- Julio Abalde

3.- Silvia Longueira

4.- Aitor Bouza

5.- Monserrat García

6.- Fabián Canosa

7.- Luisa Outeiral

8.- Manuel Santiago

9.- Isabel Gómez

10.- Enrique Astray

Estás seguro de que quieres desbloquear este artículo?
Desbloquear izquierda : 0
Estás seguro de que quieres cancelar la suscripción?