38
O presidente da Xunta rendeu tributo a Alfonso Daniel Rodríguez Castelao en Santiago de Compostela. Alberto Núñez Feijóo participou este domingo nunha homenaxe e ofrenda floral ao histórico intelectual polo 136 aniversario do seu nacemento. O máximo mandatario galego aproveitou a súa intervención neste acto que se desenvolveu fronte á tumba de Castelao no Panteón de Galegos Ilustres, na Igrexa de San Domingos de Bonaval, para destacar o “legado” de Castelao para a Galicia autonómica. No acto participaron varias entidades galeguistas, así como Amalia Bóveda, da Fundación Alexandre Bóveda, Miguel Anxo Seixas, presidente da Fundación Castelao, e Víctor Fernández Freixanes, presidente da Real Academia Galega.