87 maiores están contaxiados neste centro, dun total de 120 que hai, é dicir, aproximadamente dous terzos dos usarios teñen coronavirus. Nas últimas horas 11 deles foron trasladados ao hospital de Lugo. Son os que están máis graves, ou os que, polas patoloxías previas que presentan, teñen máis risco de empeorar. As últimas probas PCR que se fixeron detectaron 31 positivos novos entre os usuarios e 18 novos contaxios entre o persoal que traballa na residencia. En total hai agora mesmo 113 infectados. O xerente da área sanitaria Lugo, Monforte, A Mariña, Ramón Arias, afirmou que «Sabiamos que aínda estabamos dentro do periodo de incubación do virus e era previsible que houbera novos contaxios. E así foi». O alcalde do Incio é unha das persoas que agora mesmo están en corentena porque tivo contacto con algún caso positivo.
42