A ampliación da planta nuclear de Paks, ao sur de Budapest realizarase cun crédito ruso e coa participación da empresa estatal rusa Rosatom. A construción de dous novos reactores podería comezar nas próximas semanas para estar operativos de aquí ao ano 2030. O proxecto custará uns 12.500 millóns de euros. O Goberno do ultranacionalista Viktor Orbán está considerado o mellor aliado de Moscova dentro da Unión Europea (UE). O acordo de ampliación da planta nuclear de Paks foi asinado por Rosatom en 2014. Algúns países, como a veciña Austria, opóñense ao proxecto e Viena presentou un recurso de nulidade ante o Tribunal de Xustiza da UE.