O IES Maximino Romero de Lema (Zas) participa no Maker Faire Galicia, un dos maiores eventos a nivel nacional de creadores e inventores.
Santiago de Compostela foi a sede durante estes últimos anos desta feira na que se congregaron máis de 50.000 visitantes; sen embargo, esta 6ª edición será virtual debido á actual pandemia.
O evento arrincou este mércores e rematará o próximo domingo 22 de novembro. Como outra das novidades destaca unha xornada educativa.
Entre os proxectos participantes atópase o «IES Seguro», elaborado polo alumnado de 2º de FP Básica Informática de Oficina e 1º de CM de Sistemas Microinformáticos e Redes do Maximino Romero de Lema. O proxecto estará coordinado pola profesora Marta Diz e o profesor Gonzalo de Castro-Acuña.