O candidato do PSC á Generalitat, Salvador Illa, pediu este domingo deixar atrás unha «década perdida» e entrar nunha nova etapa «sen bloques» nin «nacionalismos excluíntes». No seu primeiro acto de precampaña desde a súa designación como candidato ás eleccións catalás do 14 de febreiro, o aínda ministro de Sanidade afirmou que o seu obxectivo é poñer fin á «crise de convivencia» que vive Cataluña nos últimos anos: «Estou aquí para traballar polo reencontro dos cataláns e catalás», dixo, nun discurso no que alternou castelán e catalán. Ante un reducido número de militantes do PSC, entre os que se atopaba o líder do partido, Miquel Iceta, Illa reclamou o fin da «intransixencia» e o «despropósito» do ‘procés’ xa que «a metade de Cataluña necesita á outra metade, aínda que non pense como ela ou vote como ela».
26