39
A residencia de maiores do Portazgo illa os seus 74 residentes tras confirmar nove casos positivos por coronavirus. A dirección do centro decidiu activar o protocolo máis estrito, confinar cada un dos residentes nos seus cuartos e controlarlles a febre catro veces ao día para seguir a súa evolución. O persoal ten, polo momento, equipos de protección dabondo, pero rexistran xa oito baixas. Segundo o sindicato UXT, o centro xa «carecía duns medios básicos de protección» como son as máscaras antes de diagnosticar os nove casos de afectados. Esta forza sindical aproveitou para esixir que se vele o cumprimento destas normas «en todos os centros» coas mesmas características de Galicia, tanto de titularidade pública como de titularidade privada.