Inaugurada en Ponteceso a exposición «Xogos e deportes tradicionais en murais de azulexos»

O alcalde de Ponteceso, Lois García Carballido, representantes e promotores da exposición, a Fundación Ricardo Pérez e Verdes e o Museo Etnolúdico de Galicia (MELGA), inauguraron esta mostra no campo exterior de xogos do Centro Cultural.

A exposición, coa que tamén colabora a Obra Social e Cultural de Subministros LAR-Cee, poderase visitar ata o día 3 de outubro. Todas as persoas que se acheguen ata o Centro Cultural de Ponteceso terán a oportunidade de coñecer, a través de murais de azulexos, os xogos e deportes tradicionais.

Ademais de gozar da mostra, as e os visitantes poderán participar en diversas actividades lúdicas para todas as idades e nun concurso de fotografía da mostra, así como tamén de agasallos para todos os participantes.