27
Axentes da Policía autonómica interviñeron un total de 2.617 vieiras de gran tamaño no marco dunha operación de investigación de furtivismo na ría de Ferrol. Axentes do grupo Erpol (Equipo de Resposta Policial), apoiados integrantes de Gardacostas, culminaron un dispositivo de vixilancia e seguimento coa incautación de 2.617 vieiras de gran tamaño, cun peso total de máis de 650 quilos. As vieiras intervidas foron trasladadas para ser resembradas na ría de Ferrol. Segundo os axentes, estas vieiras eran extraídas en Ferrol para trasladalas posteriormente a outras zonas da comunidade, preferentemente na ría de Arousa, “sen cumprir coas mínimas normas tanto administrativas como sanitarias”.