Aínda que os organizadores do evento lanzaron este venres unha mensaxe de tranquilidade tras a declaración do estado de emerxencia na capital para frear a pandemia de coronavirus, un membro do Comité Olímpico Internacional sementou a dúbida ao recoñecer que non está seguro do que sucederá dentro de seis meses en vista de que a situación sanitaria empeora en Xapón e no resto do mundo. As declaracións do canadense Richard Pound a un medio británico desataron un auténtico terremoto. A pesar diso, os responsables de Tokio-2020, aseguran que non se expoñen un novo aprazamento dos Xogos, que debían disputarse en 2020 pero que foron aprazados un ano, do 23 de xullo ao 8 de agosto de 2021. Con máis de 3500 mortos por coronavirus, en todo o país, a capital rexistrou este xoves 2.447 casos novos, un aumento do 50% respecto do día anterior. O estado de emerxencia en Tokio prolongarase ata finais de febreiro.